اسلام آباد۔09اکتوبر(اے پی پی) دری کارانی وزیر شاہ محمود قریشی ءَ گوں امریکہ ءِ اوگانستانءَ جوڈ کتگیں ہاسیں ایلچی زلمے خلیل زاد ءِ گندءُ نند، اوگان مصالحتی عمل ءِ ہوالگءَ کمک جاری دارگءِ سرءَ تپاک ۔ خلیل زاد طالبان ءُ اوگان حکومت ءِ نیامءَ مصالحتی عمل ءِ ہوالگءَ پاکستانءَ ہوار پنچ ملکی تر ءُ تابءَ ایں۔ امریکہ ءُ پاکستان ءِ نیامءَ ڈلی تکءَ سولءُ ترانءَ پد زلمے خلیل زاد ءَ دری کارانی وزیر شاہ محمود قریشی ءَ گوں گند ءُ نند کتگ۔ دری کارانی وزیرءَ اے موہءَ گشتگ کہ پاکستان اوگانستان ءَ امنءُ ایمنی کنگءَ امریکی کوشستاں ساڑائیت۔ شاہ محمود قریشی ءَ گشتگ کہ پاکستان اوگان جیڑہ ءِ سیاسی گیشءُ گیواری کنگءَ وتی کردءَ جاری کنت۔
