ڈپٹی چیئرمین سینیٹ سلیم مانڈوی والا ءِ سروکی ءَ پاکستانی ڈل یوروشیاء ءِ پارلیمانی کانفرنس ءَ بھرزوری، ترکی ءِ سپیکر بن علی یلدرم ءَ گوں گند ءُُ نند

اناتولیہ۔ 9 اکتوبر (اے پی پی) ڈپٹی چیئرمین سینیٹ سلیم مانڈوی والا ءِ سروکی ءَ پاکستانی ڈل ءَ ترکی ءَ یوروشیاء ءِ پارلیمانی کانفرنس ءَ بھر زوری کت۔ پاکستانی ڈل ءَ سینیٹر محسن عزیز، خوش بخت شجاعت، نصیب اللہ بازئی، جنید اکبر ءُُ ارباب عامر ھوار اَنت۔ ڈل ءَ ترکی ءِ سپیکر بن علی یلدرم ءَ گوں گند ءُُ نند کت، ترکی ءِ سپیکر ءَ پاکستانی ڈل ءَ را وش اتک کت۔ اے موہ ءِ سر ءَ گپ ءُُ تران کنان ءَ ترکی ءِ سپیکر علی بن یلدرم ءَ گوشت کہ ترک اُلس پاکستان ءَ را دُرستاں چہ گیشتر دوست دار اَنت۔ آئی ءَ گوشت کہ نوکیں حکومت ءِ گوما یکجائی ءَ کار کنگ ءِ واھشت مند آں، پاکستان ءُُ ترکی ءِ نیام ءَ آزاتیں تجارتی منوگری زوت گیش ءُُ گیوار بیت، پاک۔ ترکی فرینڈ شپ گروپ ءِ سروکی ءَ کراچی ءِ ورنا ءَ را کنگ بوتگ، پاک ترکی فرینڈ شپ گروپ ءِ ایندگر باسک آناں زوت روان دیگ بیت۔ گند ءُُ نند ءِ ساھت ءَ ڈپٹی چیئرمین سینیٹ سلیم مانڈوی والا ءَ گوشت کہ ترکی پاکستان ءِ ھک ءُُ دلیں دوست اِنت۔ ترکی ءُُ پاکستان ءِ نیام ءَ سک باز دوستی است، ترکی ءَ ھمک مشکلیں ساھت ءَ پاکستان ءِ گوما ھمبراہ داری کتگ۔ آئی ءَ گوشت کہ ترکی ءَ ایف اے ٹی ایف ءِ جیڈھ ءِ سر ءَ پاکستان ءِ کمک کتگ۔