اسلام آباد۔ 8اکتوبر (اے پی پی) مزن وزیرعمران خان ءَ گوشت کہ پاک چین جوانیں یکوئی ءُُ سٹریٹیجک یکوئی آناں مھکم کنگی اِنت پاکستان ءِ درئی پالیشی آنی بنیاتی کوھنڈگ اِنت، پاک۔ چین اقتصادی راہداری ءِ منصوبگ ءِ سر ءَ زوت کار بوھگ ءِ پد ءَ ایوک ءَ ملک ءَ سیت نہ رس ایت بلکینگ ءَ سرجمیں پڑے سیت ءِ واستہ اِنت، پاک۔ چین اقتصادی رابطہ ءِ گامگیج آناں پکوئیں رنگ دیگ ءَ کمک رسیت۔ آئی ءَ اے گپ دو شمبے ءِ روچ ءَ مزن وزیر کارگس ءَ ٹوھیں تک ءِ دوان ءِ سروکی ءَ کنان ءَ کت۔ دیوان ءَ مزن وزیر ءَ آیوکیں زمانگ ءَ چین ءُُ پاک چین اقتصادی راہداری (سی پی) ءِ منصوبگ آنی سر ءَ چار ءُُ بچار کنگ بوت۔ دیوان ءَ وزیر ءِ درئی کار شاہ محمود قریشی، وزیر ءِ ھزانگ اسد عمر، وزیر ءِ اھوالکاری ءُُ شنگ کاری چوہدری فواد حسین ، وزیر ءِ منصوبگ بندی ءُُ دیمروئی مخدوم خسرو بختیار، وزیر ءِ ھاٹیگ عمر ایوب خان ، مزن وزیر ءِ مشیر عبدالرزاق داؤد ءُُ عشرت حسین، درئی کارانی سیکرٹری، سیکرٹری منصوبگ بندی ٹوھیں کارندہ ھم ساڑی اتنت۔ مزن وزیر ءَ گوشت کہ سی پیک ھاسیں رنگ ءَ چاگردی شوبگ، کشت ءُُ کشاری ءَ چینی تجروبت آں چہ سیت چست کنگ ءِ ٹوھیں موہ اِت۔ آئی ءَ گوشت کہ ملک ءِ کشت ءُُ کشاری پیداوار ءَ را معشیت ءِ سرین ءِ ھڈ سما کنگ بیت ایشرا چینی تجروبت آں چہ سیت چست کنان ءَ ءُُ نوکیں ٹیکنالوجی ءُُ بازیں رپک آنی وسیلگ ءَ گیش کنگ بوت کنت۔ مزن وزیر ءَ ملک ءِ جتا جتائیں بھر آنی تہ ءَ اقتصادی زونزآنی زوت برجائی ءِ سر ءَ زور پر دات ایشاں چہ ھندی صنعت کاری ءِ وسیلگ ءَ دیم ءَ جنزگ ءَ کمک رس ایت ءُُ ورنا آنی واستہ روزگار ءِ موہ ھم دیم ءَ ودی بیت۔ عمران خان ءَ گوشت کہ چینی صدر ءِ ’’ یکیں دمگ ءُُ یکیں دگ‘‘ ءِ گامگیج ءِ چیر دستی ءَ پاک ۔ چین اقتصادی راہداری منصوبگ ءَ چہ سی پیک ءَ سرمایہ کاری ءُُ جتا جتائیں شوبگ آنی تہ ءَ برورد آنی دزگیر کنگ ءِ واستہ ایندگہ ملک آنی واستہ ھم موہ پیداک بوتگ اَنت۔
