اسلام آباد۔ 08 اکتوبر (اے پی پی) وزیراعظم عمران خان پارینے کہ پاک چین سدابہار سنگتی ءِ سوگو جوڑ کننگ پاکستان نا خارجہ پالیسی نا اہم ءُ تمبہ اسے۔ اوداہیت ءِ دوشنبے نادے بڑزکو کہول انا دیوان اسے نا کماشی ءِ کرسا پارے۔ دیوان اٹی وزیراعظم نا بروک آ دورہ چین و پاک چین اقتصادی راہداری (سی پیک) نا بابت معاملہ غاتیا سجفنگا۔ دیوان اٹی وزیر خارجہ شاہ محمود قریشی ، وزیر خزانہ اسد عمر، وزیر اطلاعات و نشریات چوہدری فواد حسین و وزیر ریلوے شیخ رشید احمد ئسک ہم دیوان اٹی ساڑی ئسر۔
