اسلام آباد۔ 08 اکتوبر (اے پی پی) وزیراعظم عمران خان قدرتی آفت آتا خلیس آتے کم کننگ کن قومی کہول آ اسہ کاریمی، سخت و جم اٹنگا نقطہ نظر ءِ اختیار کننگ نا گرج آ زور شاغانے ہرا جہانی کانود بشمول آفت آتا خلیس آتا تخفیف و پائیدار جہانی شونداری کن درکار فریم ورک انا رداٹ مرے۔ 8 اکتوبر 2005 ء نا زمی جمب انا یات اٹی اڈ تروک آ قومی بحالی نا دے انا وخت آ تینا کلہو اٹی وزیراعظم پارے کہ ڈھانچہ جاتی و غیر ڈھانچہ جاتی مربوط گام گیج ، پبی ردعمل نا وڑوڈول و بحالی نا ڈٹ آتے اختیار کرسا دُن انگا آفت آتا نسخان آتے کم آن کم کننگ مریک ۔ اوپارے کہ دُن انگا آفت آتون گچین وڑاٹ مون تننگ کن کمیونٹی تا تیاری ہم المی ءِ ہرا عمومی بنائی ردعمل اٹ کمکار مریک۔
