اسلام آباد۔07 اکتوبر(اے پی پی)سپیکربنجاہی اسمبلی ءَ گوشت کہ کراچی روژنائی ءِ شہر انت ،استیں حکومت ءَ کراچی ءِ جیڈھ ءَ را حل کنگ ءِ جزم دار انت۔اے ھیالانی درشان آہاں باسک بنجاہی اسمبلی عطااللہ ایڈوکیٹ ءِ سروکی ءَ صوبہ سندھ ءَ چہ سیادی داروکیں اسمبلی باسکانی ڈل ءَ سپیکر ہاوس اسلام آباد ءِ تہ گند ءُُ نند کتگ۔ڈل ءِ تہ سعید آفریدی، شبیر قریشی، ملک شہباز، ربستان خان ءُُ وصیف خان ھوار انت۔گند ءُُ نند ءِ تہ باسک بنجاہی اسمبلی ءُُ صوبائی اسمبلی ءِ ڈل ءَ سپیکر بنجاہی اسمبلی اسد قیصر ءَ را صوبہ سندھ ھاسکر کراچی ءِ جیڈھ ءَ چہ سرپد کتگ۔اسد قیصر ءَ گوشت کہ کراچی ملک ءِ تہ معاشی دیمروئی ءِ ھاترا سرین ءِ ھڈ ءِ بستار انت ءُُ ایشی ءِ دیمروئی ءُُ وشھالی ءِ ھاترا دراھیں وسیلگ کارمرز کنگ بنت۔
