اسلام آباد۔ 6 اکتوبر (اے پی پی) مزن وزیر عمران خان ءِ سروکی ءَ بلوچستان ءِ صوبائی کابینہ ءِ دیوان شمبے ءِ روچ ءَ کوئٹہ ءَ بوت۔ دیوان ءَ بُنجاھی وزیر ءِ اھوالکاری ءُُ شنگ کاری فواد حسین، بُنجاھی وزیر منصوبگ بندی مخدوم خسرو بختیار، ڈپٹی اسپیکر قومی اسمبلی قاسم خان سوری، وزیر مملکت توکی کار شہریار آفریدی، ھاسیں کمکار برائے سیاسی نعیم الحق ءُُ ھاسیں کمکار برائے میڈیا افتخار درانی ءَ بھر زوری کت۔ سر وزیر بلوچستان جام محمد کمال ءَ مزن وزیر ءَ را وتی ءُُ صوبائی کابینہ ءِ باسک آنی نیمگ ءَ وش اتک کت ءُُ گوشت کہ بلوچستان ءِ جاور ھال آنی تہ ءَ زاتی واھشت زورگ ءِ پد ءَ مزن وزیر ءِ شگر ءُُ منت گران، دیوان ءَ مزن وزیر ءَ بلوچستان ءَ چاگردی ءُُ معاشی دیمروئی منصوبگ آنی بابت ءَ سرجمیں بریفنگ ھم دیگ بوت۔
