راولپنڈی۔ 6 اکتوبر (اے پی پی) مزن وزیر عمران خان ءَ سدرن کمانڈ ہیڈ کوارٹرز کوئٹہ ءِ تر ءُُ تاب کت۔ اے موہ ءِ سر ءَ آئی ءَ را صوبگ ءِ سیکورٹی ءِ جاور ھال، اقتصادی راہداری منصوبگ آنی سسر ءَ دیمروئی گامگیج ءُُ وشھالیں بلوچستان پروگرام ءِ بابت ءَ بریفنگ دیگ بوت۔ شمبے ءِ روچ ءَ آئی ایس پی آر ءِ نیمگ ءَ جاڑی بوتگیں پریس ریلیز ءِ رد ءَ مزن وزیر کوئٹہ ائیر بیس ءَ چیف آف آرمی سٹاف جنرل قمر جاوید باجوہ ءَ وش اتک کت۔ سر وزیر بلوچستان جام کمال خان ءُُ بُنجاھی وزیر ھمبراہ اتنت۔ مزن وزیر ءَ اے موہ ءِ سر ءَ صوبگ ءَ سیکورٹی ءِ جاور ھال آنی بابت ءَ بریفنگ دات۔ مزن وزیر ءَ اقتصادی راہداری منصوبگ آنی سیکورٹی ءِ ھوالگ ءَ بریفنگ دات۔ مزن وزیر عمران خان ءَ پاک اوگان سیم سر ءِ جوڑ کنگ ءِ بابت ءَ سرپدی دات۔ اے موہ ءِ سر ءَ مزن وزیر ءَ گوشت کہ یکجائیں راجی کوشست ءَ چہ صوبگ ءُُ ملک ءِ ایمنی ءُُ وشھالی بیت، بلوچستان ءِ دیمروئی، ایمنی ءُُ برجائی ءِ واستہ سیکورٹی فورسز آنی کرد لائک ءِ توسیپ اِنت۔ اے موہ ءِ سر ءَ چیف آف آارمی سٹاف جنرل قمر جاوید باجوہ ءَ گوشت کہ خیبرپختونخوا ءِ ناشرکاری ءَ چہ آماچیں دمگی آنی برجائی ءَ پد نوں مئے دلگوش بلوچستان ءِ سر ءَ اِنت، ایش پاکستان ءِ اقتصادی باندات اِنت۔
