سی پیک میگا قومی ءُ ڈٹ اسے ہرا پاکستان تون اوار ڈیہہ ٹی معاشی انقلاب اس اتیک، سی پیک سیکرٹریٹ کمامدار

اسلام آباد۔ 05اکتوبر (اے پی پی) سی پیک میگا قومی ءُ ڈٹ اسے ہرا پاکستان و الس نا تقدیر ءِ بدلیفنگ نا پبی لائخی تخک، سی پیک اسہ مریس وختی ءُ ڈٹ اسے ہرا ملک اٹی معاشی انقلاب اس اتیک۔ ڈٹ انا رداٹ صنعتی زون، سڑک ، موٹروے ، بنداوی ڈھانچہ و توانائی نا بشخ آتے ٹی چندی بھلا ڈٹ آک پوروی نا مرحلہ ٹی ءُ ۔ امن عالم نا کسر پاکستان آن مرسا گدرینگک، بلوچستان جہانی واپار نا گزرگاہ جوڑ مریک، معاشی راہداری نا دا ڈٹ آن ڈیہہ ٹی شونہالی بریک و نیزگاری نا چٹفنگ اٹی کمک رسینگک۔ سی پیک سیکرٹریٹ کمامدارآتارداٹ معاشی راہداری ڈٹ آن دنیا نا ہشتاد درسد آبادی نا آخبت گنڈوک ءِ۔ راہداری ڈٹ انا رداٹ بلوچستان اٹی گوادر ، پسنی و جیوانی تون اوار چار بھلا شار تے جہانی آب انا رداٹ شون تننگک و مچ آ دنیا نا زرکار آک داشار تا کنڈآ بریرہ۔