اسلام آباد۔ 05اکتوبر (اے پی پی) چین پاکستان اقتصادی راہداری نا پروجیکٹ ڈائریکٹر حسن داؤد بٹ پارینے کہ چین پاکستان اقتصادی راہداری نا دے ٹکی و دیکی روٹ 2019 ء نا بناٹی پورو مریرہ۔ اولیکو مرحلہ ٹی بنداوی ڈھانچہ ، ریلویز و توانائی نا بشخ آتا بابت ڈٹ آک اوار ءُ۔ اومیت ءِ کہ دا ڈٹ آک سال انا ایسر اسکان پورو مریرہ۔ اوپارے کہ چین پاکستان اقتصادی راہداری نا ارٹ میکو مرحلہ اقتصادی زون تا جوڑ کننگ آتالان ءِ ہرافتیان ملک انا صنعتی بشخ ءِ مون آ دننگک۔ حسن داؤد بٹ پارے کہ فاٹا تون اوار غٹ صوبہ غاتے ٹی نہہ صنعتی زون جوڑ کننگک اوپارے کہ صوبائی حکومت آک صنعتی زون تیٹی است خواہی ہلنگ ءُ ہراڑآن آخبت اٹی پاکستان نا واپار ءِ مون آ دننگک۔ حسن داؤدبٹ پارے کہ اقتصادی زون تے ٹی زرکاری نا خواہندار ہندی زرکار آتے خصوصی آسراتی تننگک۔ پروجیکٹ ڈائریکٹر پارے کہ چین پاکستان اقتصادی راہداری نا رداٹ غٹ ڈٹ آتیان ملک اٹی شونداری نا پوسکن ءُ دور اس بناء کیک و روزگار نا وارخواہی ودی مریک۔
