ہڑتوم آ ملک آتا سوگو تین پہ تینی رابطہ و تعلقداری تے پین ودفنگ آ خیال آتا درشان
اسلام آباد۔ 05اکتوبر (اے پی پی) سیکرٹری دفاع لیفٹیننٹ جنرل (ر) اکرام الحق تینا سری لنکا نا دورہ ٹی سری لنکا نا بڑزکو فوجی سرکڑدہ غاتون اوڑدہی کرینے۔ پاکستانی ہائی کمیشن کولمبو نا کنڈآن جاری پریس ریلیز نا رداٹ پاکستان نا سیکرٹری دفاع لیفٹیننٹ جنرل (ر) اکرام الحق تینا چار دے ئی دورہ سری لنکا ٹی سری لنکا نا چیف آف ڈیفنس اسٹاف ایڈمرل آرسی وجے گونارتنے ، سری لنکا ایئر فورس انا کمانڈر ایئر مارشل کپیلاجیمپا تھے، سری لنکا نا فوج انا کمانڈر لیفٹیننٹ جنرل مہیش سینا نائیکے و سری لنکا نا بحری فوج انا کمانڈر وائس ایڈمرل سری میون رانا سنگھے تون اوڑدہی کرینے۔ بیان نا رداٹ سیکرٹری دفاع سری لنکا نا بڑزکو فوجی سرکڑدہ غاتون اوڑدہی ٹی ہڑتوم آ ملک آتا سوگو تین پہ تینی رابطہ و تعلقداری تے ودفنگ آ خیال آتا درشانی ءِ کرے و ہڑتوم آ ملک آک ڈیہہ نا امن وسلامتی نا سوگوی و مون آ دننگ کن پاکستان و سری لنکا نا ہڑتوم آ کنڈآتا کمکاری ٹی ودکی کن غٹ بشخ آتے ٹی اواری اٹ کاریم کننگ نا عزم انا اعادہ کریر۔ اوڑدہی تے ٹی سری لنکا ٹی پاکستان نا ہائی کمشنر ڈاکٹر شاہد احمد حشمت و بڑزکو فوجی کمامدارآک ہم ساڑی ئسر۔

متعلقہ مضامینمصنف کی طرف سے مزید