اسلام آباد۔ 05اکتوبر (اے پی پی) بنجائی وزیر پٹرولیم و قدرتی وسیلہ غلام سرور خان پارینے کہ پٹرولیم مصنوعات آتا نہاد آک جہانی منڈی تون گنڈوک ءُ ، حکومت ستمبر اٹی پٹرولیم مصنوعات آتے ٹی کمتی کرے و اکتوبر اٹی جہانی منڈی ٹی تیل انا نہاد اٹی ودکی نا باوجود ودکی کتو و 8 ارب روپئی نا خراج استثنیٰ نا بھاریمءِ ہم تینٹ برداشت کننگ ءِ۔ جمعہ نادے ایوان بالا ٹی وقفہ سوج آتے ٹی میاں عتیق شیخ، رخسانہ زبیری و ایلو باسک آتا سوج آتا ورندی ٹی اوپارے کہ پاکستان اٹی پٹرول نا نہاد 92.83فی لیٹر و بھارت اٹی 144.20 روپئی ءِ وخت اس کہ ڈیزل نا نہاد بھارت اٹی 129روپئی 65پیسہ و پاکستان اٹی 106روپئی 57پیسہ ءِ۔ ہنداوڑ ڈیہہ نا ایلو ملک آتیان ہم پاکستان اٹی پٹرولیم مصنوعات آتا نہاد آک کم ءُ۔
