اسلام آباد۔ 05اکتوبر (اے پی پی) تحریک انصاف نا باسک قومی اسمبلی نفیسہ خٹک پارینے کہ حکومت کوزہ گیر و تجاوزات آتا برخلاف آپریشن نا بناءِ کرینے۔ ہراوڑ اُراءِ چلیفنگ کن پیسہ غاتا ضرورت ءِ ہمووڑ ملک ءِ چلیفنگ کن پیسہ غاتا ضرورت ءِ، مسکوہی حکومت قطر آن کبین ایل این جی نا معاہد ہ ءِ کرے۔ جمعہ نادے پارلیمنٹ ہاؤس نا پیشن میڈیا تون ہیت وگپ کرسا اوپارے کہ اسلام آباد اٹی سرکاری ڈغار آ کوزہ نا بابت کوزہ گیر آتا برخلاف آپریشن نا بناءِ کرینے۔ پارک آتون اوار سی ڈی اے نا ڈغار آ کوزہ نا برخلاف آپریشن نا بناءِ کننگانے۔ ہچ کس ءِ بشخنگپک ۔ اوپارے کہ حکومت گیس ءِ کبین کننگ نا مشکل ءُ فیصلہ اس کرے۔ ہراوڑ اُرا ءِ چلیفنگ کن پیسہ غاتا ضرورت ءِ ہمووڑ ملک ءِ چلیفنگ کن پیسہ غاتا ضرورت ءِ۔ مستین نا حکومت ملک ءِ ہڑتوم آ دوتے اٹ پلار۔ خزانہ خورک مننگ نا سوب مشکل فیصلہ کروئی مریک۔ الس حوصلہ کے۔ مستین نا حکومت آئی ایم ایف آن کبین وام ہلک و ملک ءِ وام تا دلدل اٹی اختہ کننگا۔ وام تیان ملک انا جان ءِ کشنہ۔ اسہ سوج اسے نا ورندی ٹی اوپارے کہ مسکوہی حکومت ملک و الس نا فائدہ نا برخلاف قطر آن کبین ایل این جی نا معاہدہ کرے۔
