اسلام آباد۔ 05اکتوبر (اے پی پی) سینیٹ لس گچین کاری 2018 ء ٹی دھاندلی نا دوبہ غاتا جاست وپاست کن خصوصی کمیٹی ٹی سینیٹ آن نمائندگی کن پنداری نا بابت چیئرمین سینیٹ ءِ اختیار تننگ نا تحریک نا منظوری ءِ تس۔ جمعہ نادے ایوان بالا ٹی وزیر مملکت پارلیمانی امور علی محمد خان دا چرجوئی ٹی تحریک پیش کرے ہرا نا ایوان منظوری ءِ تس۔ تحریک اٹی پاننگانے کہ چیئرمین سینیٹ قائد ایوان و قائد حزب اختلاف نا سلابت اٹ دھاندلی نا دوبہ غاتا جاست وپاست کن خصوصی کمیٹی نا ٹی او آر ز جوڑ کننگ نا بابت ایوان بالا نا باسک آتا نمائندگی ءِ کیر۔ دا کمیٹی ٹی حکومتی و اپوزیشن باسک آتا بریبر نمائندگی بایدے مرے۔ ایوان تحریک ءِ امنائی اٹ منظور کرے۔
