چیئرمین سینیٹ محمد صادق سنجرانی ءَ گوں رومانیہ، گتر ، فرانس ءُُ آسٹریلیا ءِ سفیر آں گوں جتا جتائیں گند ءُُ نند
چیئرمین سینیٹ محمد صادق سنجرانی ءَ گوں رومانیہ، گتر ، فرانس ءُُ آسٹریلیا ءِ سفیر آں جتا جتائیں گند ءُُ نند کت، وت مہ وتی واھگی کاری آں ابید دو نیمگی یکوئی، کمک آنی دیمروئی ءُُ استیں میاں اوستمانی ءُُ دمگی جاور ھال آنی سر ءَ سرجمیں ھیال ریچی کنگ بوت
اسلام آباد۔ 4 اکتوبر(اے پی پی)چیئرمین سینیٹ محمد صادق سنجرانی ءَ گوشت کہ گوادر ءَ سی پیک ءِ چیر دستی ءَ جاڑیگیں منصوبگ آنی سر ءَ سرمایہ کاری ءِ واستہ پراھ ءُُ شاھیگانیں گنجاشک اَست ءُُ جتا جتائیں ملک اے وھد ءَ گیشاں چہ گیش نپ ءُُ سیت چست کنان ءَ دو نیمگی معاشی دیمروئی ءِ واستہ نوکیں موہ ءِ پٹ ءُُ پول کت کن اَنت، چیئرمین سینیٹ ءَ رومانیہ ، قطر، فرانس ءُُ آسٹریلیا ءِ سفیر آں گوں جتا جتائیں گند ءُُ نند کت ءُُ وت مہ وتی واھگی کاری آں ابید دو نیمگی یکوئی ءُُ کمک ءَ را دیمروئی دیگ ءُُ استیں میاں اوستمانی ءُُ دمگی جاو ھال آنی سر ءَ سرجمیں ھیال ریچی کت۔ چیئرمین سینیٹ ءَ گوشت کہ پاکستان ءَ ایمنی ءِ جاور ھال سک باز گہتر بوتگ اَنت ءُُ پاکستان ءَ سرمایہ کاری ءِ موہ سک باز سہرا بوتگ اَنت۔ آئی ءَ گوشت کہ پارلیمانی روگ ءُُ آیگ ءِ وسیلگ ءَ کمک ءِ پڑ ءَ گیشاں چہ گیش کشک پچ بوت کنت۔ فرانس ءِ سفیر مارک بیرٹی ھیال ریچی کنان ءَ چیئرمین سینیٹ ءَ گوشت کہ سینیٹ ءَ پاکستان فرانس دوستی گروپ ءَ را یک رند ءِ پد ءَ برجا کتگ ءُُ امیت انت کہ ادارگ آنی تہ ءَ وت مہ وت ءَ کمک ءِ وسیلگ ءَ پارلیمانی سٹاف ءُُ پارلیمانی باسک آنی ٹریننگ ءِ واستہ دوئیں ملک آنی نیام ءَ پارلیمانی کمک آناں گیش دیمروئی رس ایت۔ آئی ءَ وانگ ءُُ زانگ ءُُ دومیگ شوبگ آنی تہ ءَ کمک آناں سک باز المی گوشت اَنت۔ گتر ءِ سفیر ساقر بن مبارک المنصوری ءَ گوں گند ءُُ نند ءَ چیئرمین سینیٹ ءَ گوشت کہ گتر گوادر ءَ انفراسٹرکچر منصوبگ ءَ سرمایہ کاری کت کنت۔ آئی ءَ گوشت کہ پاکستان زانشتی تک ءَ کمک ءِ واھشت مند اِنت۔ آئی ءَ گتر حکومت ءِ نیمگ ءَ پاکستانی واستہ ملازمت ءِ موہ پیداک کنگ ءِ جار ءَ را ھم ساڑات۔
