اسلام آباد۔ 4 اکتوبر (اے پی پی)بُنجاھی کابینہ ءَ گوادر ءَ ریفائنری ءِ برجائی ءِ واستہ سعودی عرب ءِ گوما ایم او یو کنگ، پیسریگیں وزیر ءِ ھزانگ اسحاق ڈار ءِ نیمگ ءَ چہ کتگیں گیر کانودی گشتانک آنی سر ءَ جتا جتائیں ادارگ آنی سروک آنی نیمگ ءَ چاریں صوبگ آنی تہ ءَ 2467سرکاری ماڑی آنی کارمرد کنگ ءِ ھوالگ ءَ ٹاسک فورس ءِ برجائی ءِ منظوری داتگ وھدیکہ مزن وزیر کارگس ءَ سینٹر آف ایلسیلینس برجا کنگ ءِ واستہ چارٹر ھم کابینہ ءِ دیم ءَ پیش کنگ بوت اے رد ءَ وزیر ءِ وانگ ءُُ زانگ شفقت محمود ءِ سروکی ءَ کمیٹی جوڑ کنگ بوتگ، نیلم جہلم ہائیڈرل پراجیکٹ ،نیو اسلام آباد انٹرنیشنل ائیر پورٹ ءُُ سٹیل مل ءِ منصوبگ آنی سر ءَ فرانزک آڈٹ کناھینگ بیت، ترکی اسلام آباد ءَ ہاسپیٹیلٹی کالج جوڑ کنت اِنت، اے پاکستان ءِ الس ءِ واستہ ترکی ءِ نیگم ءَ ٹیکی اِنت، مزن وزیر عمران خان زوت یک ٹوھیں ہاؤسنگ منصوبگ ءِ جار ءِ جنت اِنت، بُنجاھی وزیر اھوالکاری ءُُ شنگ کاری چوہدری فواد حسین بُنجاھی وزیر پیٹرولیم ءُُ کدری مڈی سرور خان ءِ ھمبراھی ءَ مزن وزیر عمران خان ءِ سروکی ءَ کابینہ ءِ دیوان ءَ پد میڈیا ءَ را بریفنگ دیگ ءَ اَت۔
