واشنگٹن۔ 4 اکتوبر (اے پی پی) پاکستانءُ امریکہ ءَ را پہ یک وڑیں مولءُ مراد ءَ دونیمگی اوستءَ را گیش کنگءِ ضلورت ایں ۔ دری کارانی وزیر شاہ محمود قریشی ءَ وتی امریکہ ءِ ترءُ تاب ءَ ٹرمپ انتظامیہ ءِ حکام ءَ گوں پاک امریکہ دونیمگی نزیکی ءَ را گیش کنگءِ ہوالگءَ گشتگ کہ دوہیں ملک آن لوٹ ایت کہ آ وتی گوست ءِ راجدپتری کمک ءِ بنیاتءَ دونیمگی اوست ءِ تہا گیشی بہ کن اَنت تنکہ جنگءِ آماچ بوتگیں اوگانستان ءَ امنءُ ایمنی ءَ ہوار یک وڑیں مول ءُ مراد حاصل کنگ ءَ المی کنگ بہ بیت۔ دری کارانی وزیر شاہ محمود قریشی ءَ امریکہ ءِ دری کارانی وزیر مائیک پومپیوءُ راجی سلامتی ءِ صلہ کار جان بولٹن ءَ گوں وتی گندءُ نندانی ہوالگءَ گشتگ کہ دوہیں ملک آناں وتی نزیکی ءَ گیش کنگءِ ضلورت اِنت۔ آئی ءَ گشتگ کہ مارا یکے دومی ءِ سرءَ اوست کنگ لوٹ ایت ءُ راج دپتر اے چیز ءِ گواہ ایں کہ سرد جنگ ، سوویت یونین ءِ اوگانستان ءَ چہ درآہگ ءُ القاعدہ ءِ ہلاسی ءِ ھاترءَ وھدے کہ دوہیں ملکاں ہوار کار کتگ آ سوبمند بوتگ اَنت۔
