اسلام آباد ۔ 3 اکتوبر (اے پی پی) مزن وزیر عمران خان ءَ گوشت کہ ’’فوجداری‘‘ نظام ءِ انصاف ءِ ’’اصلاح‘‘ ءُُ شہری مردم آنی آسراتی ءُُ زوت انصاف ءَ تاں سر بوھگ ءَ دل یکیمی جوڑ کنگ پاکستان تحریک انصاف ءِ ایجنڈ ءِ تہ ءَ بُنجاھی بستار ءَ دار ایت، حکومت اے رنگیں نظام ءِ آرگ ءِ واستہ جزمیگ اِنت ایشی ءَ چہ شہری ءُُ عدلیہ ءَ را انصاف ءِ ترندی ءَ گوں پُجاری ءَ آسراتی بہ بیت۔ آئی ءَ اے گپ چار شمبے ءِ روچ ءَ مزن وزیر چیمبر ءَ وزارت ءِ کانود ءُُ انصاف ءِ بابت ءَ بریفنگ ءِ سروکی ءَ کنان ءَ کت۔ بُنجاھی وزیر کانود ءُُ انصاف ڈاکٹر محمد فروغ نسیم ، وزیر ھزانگ اسد عمر، مزن وزیر ءِ مشیر شہزاد ارباب، اٹارنی جنرل انور منصور، پارلیمانی سیکرٹری ملیکہ علی بخاری، سیکرٹری کانود ءُُ کلانہ ایں کارندہ ھم بریفنگ ءِ ساھت ءَ ساڑی اتنت۔ وزیر ءِ کانود محمد فروغ نسیم ءَ استیں انصاف ءِ رسگ ءِ جتا جتائیں رپک ءُُ کانود ءِ تاب ءُُ پیچ کہ مردم آناں انصاف ءِ نکان ءَ سر بوھگ ءَ مھتلی کن اَنت۔ وزیر ءِ کانود ءَ مزن وزیر ءَ را دل یکیمی دات کہ الس ءَ گوں کتگیں مزن وزیر ءِ سوگند آنی رد ءَ استیں حکومت ءِ اولی 100روچ ءِ اندر ءَ گیشینتگیں وھد ءُُ پاس ءِ گوما آیوکیں گامگیج آناں پکوئیں رنگ دیگ بیت۔
