اسلام آباد۔ 3اکتوبر(اے پی پی) مزن وزیر عمران خان ءَ گشتگ کہ ورناہ آں ہنر دیئگ ءُ شرپ مندیں روزگار دیئگ پی ٹی آئی حکومت ءِ اولی دلگوشی ایں ، ورناہ آں سی پیک ءَ گوں ہمگرنچیں پڑاں تربیت پجارینگءَ دلگوشی کنگ بیت، گتر ءَ فٹ بال ورلڈ کپ ءُ ایکسو کنگءِ ھاترءَ ودی بوہوکیں ملازمت آنی ھاترءَ پاکستانی ہنر مند تیار کنگ بہ بنت۔ آئیءَ اے گپ ایگزیکٹو ڈائریکٹر’’ نیوٹیک‘‘ ذوالفقار احمد چیمہ ءَ گوں گپءُ تران کنانءَ کتگ کہ آہاں چارشمبے ءِ روچءَ گندءُ نند کتگ۔ ذوالفقار چیمہ ءَ نیوٹیک ءِ جاری منصوبہ آنی ہوالگءَ مزن وزیرءَ شونشت داتگ۔ مزن وزیر ءَ گشتگ کہ ورناہ اَناں ہنر ءِ پجارینگ ءَ ءُ نیزگاری ءِ ہلاسی ءَ کمک کنت۔ مزن وزیر ءَ گشتگ کہ نیوٹیک ءَ را پنتءُ شون کتگ کہ گیشاں چہ گیش مردماں تربیت پجارینگ بہ بیت ءُ سی پیک ءَ گوں ہمگرنچیں پڑآں تربیت پجارینگ ءَ ہاسیں دلگوشی کنگ بہ بیت۔
