تئی کارانی ملکی وزیر شہریار خان آفریدی ءَ گوں جرمن سفیر مارٹن کوبلر ءِ گند ءُ نند

دونیمگی ہدوکی کارانی سرءَ ہیالءُ لیکہ ءِ درشانی کنگ بوتگ
اسلام آباد۔ 3اکتوبر(اے پی پی) تئی کارانی ملکی وزیر شہریار خان آفریدی ءَ گوں جرمن سفیر مارٹن کوبلر ءِ گند ءُ نند کتگ کہ ایشیءِ تہا دونیمگی ہدوکی کارانی سرءَ ہیالءُ لیکہ ءِ درشانی کنگ بوتگ اَنت۔ تئی کارانی وزارت ءِ جارچین ءِ گشگءِ ردءَ گندءُ نندءِ تہا تئی کارانی ملکی وزیر شہر یار آفریدی ءَ گشتگ کہ پاکستان ءُ جرمنی ءِ نیام ءَ راج دپتری سیادی اَست۔ آئیءَ گشتگ کہ میاں اوستمانی تک ءَ پاکستان ءِ قربانی کسءَ نہ من اِتگ اَنت۔ ملکی وزیرءَ گشتگ کہ ناشرکاری ءِ ھلاپ ءِ جنگءَ مہ چہ درستاں گیش جانیءُ مالی قربانی داتگ۔ آئی ءَ گشتگ کہ گلوبل ویلیج ءِ دورءَ کجام ہم ملک ءِ فیصلہ سرجمیں دنیاءِ سرءَ اسر مند بوتگ اَں، مہ راجی پائدگ ءُ سکیورٹی ءِ سرءَ ہچ وڈیں منءُ گر نہ کناں۔ آئیءَ گشتگ کہ پاکستان دنیاءَ امنءُ ایمنی ءِ بحال کنگءَ وتی سرجمیں کردءَ پیلو کنگءَ ایں ۔ آئیءَ گشتگ کہ اوورسیز پاکستانی آنی زانت کاریاں سرجمیں دنیا من ایت۔ اے موہ ءَ جرمن سفیر ءَ پاکستان ءِ امنءُ ایمنی ءِ ہوالگءَ کوشست ساڑاتگ اَنت۔