وزیرخارجہ شاہ محمود قریشی نا امریکہ نا قومی سلامتی نا سلاہکار جان بولٹن تون وائٹ ہاؤس اٹی اوڑدہی

واشنگٹن۔ 03اکتوبر(اے پی پی) وزیر خارجہ شاہ محمود قریشی امریکہ نا قومی سلامتی نا سلاہکار جان بولٹن تون وائٹ ہاؤس اٹی اوڑدہی کرے۔ اوڑدہی ٹی پاک امریکہ تعلقداری و سویلی ایشیا نا حالیت آتیا خیال آتا درشانی ءِ کننگا۔ وزیر خارجہ شاہ محمود قریشی داوخت آ پاکستان نا داموقف نا اعادہ ءِ کرے کہ اوغانستان نا ویل انا فوجی ایسری ممکن اف۔ اوپارے کہ پاکستان اوغانستان نا سرکڑدہ غاتون امن و مفاہمت نا عمل کن کمکاری ءِ برجاتخک۔ امریکہ نا کنڈآن اوغانستان نا ویل انا سیاسی ایسری آ چکار کننگ نا ستاءِ کرسا وزیر خارجہ پارے کہ اوغانستان اٹی امن و سوگوی و امریکہ ٹی مریس معیاد سوگوی و شونداری کن المی ءِ۔ اوپارے کہ اوغانستان پاکستان ایکشن پلان فار پیس اینڈ سالیڈیرٹی ہڑتوم آ ہمسایہ ملک آتا نیام اٹ میڈیا ٹی کمکاری نا گچین ترین میکنزم فراوان کیک۔ وزیر خارجہ داوخت آ بھارت نا جارحانہ رویہ نا ذکر ءِ ہم کرے و پارے کہ بھارت وزیراعظم عمران خان ناامن پہلکاری آن مست اتفاق کرے ولے اوکان پد داخلی سیاست نا مون آ تینے بٹے، ولے پاکستان داسہ ہم کشمیر تون اوار غٹ جھیڑہ غاتے بھارت تون پرامن و مذاکرات نا کمک اٹ ایسر کننگ کن پرعزم ءِ۔