اسلام آباد۔ 03اکتوبر (اے پی پی) گورنر خیبر پختونخوا شاہ فرمان پارینے کہ فاٹاءِ ضم کننگ آن پد اختیارآک صوبائی حکومت آتے منتقل مسنو، کرپشن نا برخلاف سخت آن سخت کارروائی مریک و دادے سگنگ پننگک، فاٹا ٹی ہندی حکومت آتا نظام اس اتنگ انگ ءِ قبائلی علاقہ غاتے ٹی تعلیم جان جوڑی وکنوئی آ صاف دیر انا فراوانی تون اوار چندی ڈٹ آتا بناءِ کننگک۔ چارشنبے نادے پارلیمنٹ ہاؤس نا پیشن میڈیا تون ہیت وگپ کرسا گورنر خیبر پختونخوا شاہ فرمان پارے کہ فاٹا ءِ ضم کننگ آن پد قبائلی علاقہ غاتا اختیار آک صوبائی حکومت ءِ منتقل مسنو اوپارے کہ صوبہ ٹی کرپشن ءِ سگپنہ، کرپشن نا برخلاف سخت کارروائی کننگک ، گورنر پارے کہ فاٹا ٹی اصلاحات آن پد ہندی حکومت آتا نظام اس اتنگ انگ ءِ قومی سلابت اٹ مون آ کانہ و قبائلی علاقہ غاتون اوار غٹ علاقہ غاتا رہینگوک آتا رکھ ءِ کننگک اسہ سوج اسے نا ورندی ٹی شاہ فرمان پارے کہ قبائلی علاقہ غاتے ٹی تعلیم جان جوڑی و کنوئی آ صاف دیر انا فراوانی تون اوار ایلو شونداری ڈٹ آتا بناءِ کننگ انگ ءِ۔
