اسلام آباد۔ 03اکتوبر (اے پی پی) اسلام آباد ہائی کورٹ مسکوہی وزیراعظم محمد نواز شریف، اونا مسڑ مریم نواز و کیپٹن (ر) محمد صفدر نا درخواست ضمانت آ سرجم فیصلہ جاری کرے۔ 41پنہ غاتیا تالان فیصلہ ٹی پاننگانے کہ درخواست ضمانت آ تروک آ فیصلہ سزانا برخلاف اپیل آتا کیس ءِ زہمی کپک۔ چارشنبے نادے آ عدالت عالیہ نا جسٹس اطہر من اللہ و جسٹس میاں گل حسن اورنگزیب آ تالان ڈویژن بنچ سرجم فیصلہ جاری کرے ۔ فیصلہ نا رداٹ نیب ضمانت نا درخواست آتیا شرہ کن زیات تر پاناما کیس انا فیصلہ نا سیبو ءِ ہلکونے۔ بادی النظر اٹی دوبہ دارآتے تروک آ سزاک زیات ہرے اسکان سلنگ کپسہ۔ احتساب عدالت اپارٹمنٹس نا خریداری ٹی مریم نواز نا محمد نواز شریف ءِ معاونت نا حوالہ تتنے و فیصلہ ٹی مریم نواز نا کمکاری نا شاہدی نا ذکر اف۔ درخواست گزار سیکشن 32 آرڈیننس 1999 نا رداٹ اپیل کریسس۔
