اسلام آباد۔ 02اکتوبر (اے پی پی) صدر مملکت ڈاکٹر عارف علوی پارینے کہ پاک چین اقتصادی راہداری ہڑتوم آ ملک آتا الس نا گچین فائدہ ٹی ءِ و ’’گیم چینجر‘‘ جوڑ مریک، پاکستان چین اتون تینا منفرد شریداری ءِ پین سوگوی تننگ کن پبی وڑاٹ پرعزم ءِ۔ اوداہیت ءِ تینا چینی ہم منصب شی جن پنگ ءِ السی جمہوریہ چین نا قومی دے انا وخت آ تہنیتی کلہو اٹی پارے۔ صدر پارے کہ پاکستان عظیم چینی قوم انا شاندار سرسہبی تا مدا ح ءِ ہرا چینی صدر نا بصیرت انگیز سرکڑدہ ہی ٹی پین شون ہلیک۔ اوپارے کہ قومی شونداری و شونہالی نا کنڈآ پیش گامی ٹی پاکستان چین نا بے کچ پت انا قابل و ثابت قدم سنگت سلک۔ صدر مملکت پارے کہ پاکستان و چین نا نیام اٹ تعلقداری ہر آزمائش آ پورو سلیسنو و داوخت تدینگ انگ تون اوار اوار سوگو تر مریرہ۔ ننا نیک است خواہی مدام چین انا الس تون مریک۔ صدر چینی الس نا شونداری ، شونہالی و دیرپاامن کن ہم نیک است خواہی نا درشانی ءِ کرے۔
