اسلام آباد۔ 02اکتوبر (اے پی پی) بنجائی وزیر مذہبی امور پیر نورالحق قادری ملک اٹی سیوت بین المسلمین و بین المذاہب ہم آہنگی نا مون آ دننگ ءِ وخت انا اہم ءُ گرج اس گوندسا پارینے کہ مدرسہ، مسیت و خانقاہ امن و سلامتی نا کلہو ءِ لس کیر۔ پوسکن آ پاکستان قائد اعظم و اقبال نا پاکستان مریک۔ سے شنبے نادے داڑے خطیب بادشاہی مسیت مولانا عبدالخبیر آزاد نا سرکڑدہ ہی ٹی علماء و مشائخ وزیر مذہبی امور تون اوڑدہی کرے۔ داوخت آ ڈل اتون ہیت وگپ کرسا پیر نورالحق قادر ی پارے کہ عالم دین ، مذہبی راہشون و الس اواری اٹ فکری و عملی دہشت گردی و انتہاء پسندی ءِ کشر، ملک ءِ امن ، رواداری و سوگوی نا سخت گرج ءِ، امن کن ملکی سیکورٹی ادارہ غاک بھلو قربانی تسنو۔ وزیر مذہبی امور پارے کہ سیوت بین المسلمین و بین المذاہب ہم آہنگی ءِ مون آ دننگ وخت انا اہم ءُ گرج اسے، ہنداخاطرآن مدرسہ، مسیت و خانقاہ امن و سلامتی نا کلہو ءِ لس کیر۔
