واشنگٹن۔ 02اکتوبر (اے پی پی) وزیر خارجہ شاہ محمود قریشی پارینے کہ پاکستان و امریکہ بھلو وخت اسے آ ن اسہ ایلو نا سیوتی ءُ و اوفتے تینا سوگو تین پہ تینی تعلقداری تے جوڑ جاڑ اول سرآن کروئی مرے، پاکستان اوغانستان اٹی امن و سوگوی کن آسراتی تننگ کن تیار ءِ۔ امریکی ٹی وی چینل فاکس نیوز ءِ انٹرویو ٹی اوپارے کہ پاکستان و امریکہ نا گدرینگوک آ کیہی عشرہ غاتیا محیط تین پہ تینی تعلقداری ہڑتوم آ ملک آتے کن فائدہ مند مسنے و پاکستان دا تعلقداری تے درست کننگ نا خواہندار ءِ۔ اوپارے کہ او ڈالیر یا امداد نا ہیت وگپ کن امریکہ غا بتنے بلکن او ہڑتوم آ ملک آتا نیام اٹ تعلقداری تے ٹھیک کننگ نا خواہندار ءِ ہرامستین اٹی خراب مسوسر۔
