انوگیں صدارتی گیچن کاری ءَ کامیاتی ءِ پد ءَ مبارک بات دات
اسلام آباد ۔ یکم اکتوبر (اے پی پی) مزن وزیر عمران خان ءَ مالدیپ ءِ نوک گچین بوتگیں صدر ابراہیم محمد صالح ءَ را انوگیں گچین کاری ءَ کامیات بوھگ ءِ پد ءَ مبارک بات دات۔ آئی ءَ مالدیپ ءِ صددر ءَ را ٹیلی فون کت ءُُ اے گپ ءَ را سہرا کت کہ مالدیپ ءَ یک نوکیں زمانگ ءِ ودی بوھگ ءَ اِنت۔ آئی ءَ امیت سہرا کت کہ گچین بوتگیں صددر ابراہیم محمد صالح ءِ سروکی ءَ ملک ءُُ ایشی ءِ الس جوانیں کامیاتی ءُُ وشھالی در جن اَنت۔ دوئیں سروک آں دو نیمگی یکوئی آنی گیش ودینگ ءِ جزم ءِ درشان کت۔ آئی ءَ وت مہ وتی ءِ کار ءُُ دوئیں ملک آنی الس ءِ نپ ءُُ سیت ءِ واستہ یکجائیں واھشت آنی درشان کت۔ مالدیپ ءِ گچین بوتگیں صدر ءَ ٹیلی فون کال ءِ پد ءَ مزن وزیر ءِ شگر ءُُ منت گپت ءُُ آئی ءَ را مزن وزیر ءِ سیٹ ءِ گرگ ءِ ھم مبارک بات دات۔ آئی ءَ مزن وزیر ءَ را مالدیپ ءِ تر ءُُ تاب کنگ ءِ دعوت ھم دات۔
