پاک اُرد ءِ سروک جنرل قمر جاوید باجوہ ءِ سروکی ءَ کور کمانڈرز کانفرنس، ملکی سلامتی ءِ کار آنی سر ءَ چار ءُُ بچار کنگ بوت
راولپنڈی۔ یکم اکتوبر (اے پی پی) پاک اُرد ءِ سروک جنرل قمر جاوید باجوہ ءِ سروکی ءَ کور کمانڈر کانفرنس برجم دارگ بوت ایشی ءِ تہ ءَ ملکی سلامتی ءِ کار آنی سر ءَ چار ءُُ بچار کنگ بوت۔ پاک اُرد ءِ شوبگ (آئی ایس پی آر) ءِ رد ءَ آرمی چیف جنرل قمر جاوید جاجوہ ءِ سروکی ءَ 214 دو سد ءُُ چاردھمی کورکمانڈر کانفرنس دو شمبے ءَ جی ایچ کیو راولپنڈی ءَ برجم دارگ بوت۔ کانفرنس ءَ جیو اسٹریٹجک ءُُ ملک ءَ جاڑیگیں آپریشن ردالفساد‘‘ ءِ چیر دستی ءَ برجمیں آپریشنز آنی سر ءَ چار ءُُ بچار کنگ بوت۔ کورکمانڈرز کانفرنس ءَ کامیاتیں ناشرکاری ءِ گر ءُُ داری آپریشنز آں چہ دزگیر بوتگیں ایمنی ءَ را برجم دارگ ءِ جزم ءِ درشان کنگ بوت۔ اے موہ ءِ سر ءَ آرمی چیف جنرل قمر جاوید باجوہ ءَ محرم الحرام ءِ ساھت ءَ سیکیورٹی ءَ را گہتر دارگ ءِ پد ءَ انٹیلیجینس ادارگ ءُُ فورسز آنی توسیپ ھم کت۔ جنرل قمر جاوید باجوہ ءَ کور کمانڈر کانفرنس ءِ بھر زوروکیں مردم آناں وتی چین ءِ کامیاتیں تر ءُُ تاب ءِ بابت ءَ سرپد کت۔ کور کمانڈرز کانفرنس ءَ ’’یومِ دفاع‘‘ ءُُ ’’یومِ شہدا‘‘ ءِ پد ءَ شہید آناں ستا ءُُ توسیپ ءُُ سلام پیش کنگ ءِ پد ءَ راج ءِ شگر ءُُ منت گپت ، آئی ءَ گوشت کہ ایمنی ءُُ برجائی اے شہید آنی قربانی ءِ سبب ءَ اِنت۔
