اسلام آباد۔یکم اکتوبر(اے پی پی) سینیٹءِ چیئرمین محمد صادق سنجرانی ءَ آزاد کشمیر ءِ مزن وزیر راجہ فاروق حیدر ءِ ہیلی کاپٹر ءِ سرءَ بھارتی فوج ءِ تیرگواریءَ را یک لگوریں کارے لیک اِتگ ءُ گشتگ کہ بھارت خطہ ءِ امنءُ ایمنی ءَ را برباد کنگ لوٹ ایت ءُ اے وڈیں کاراں چہ زانگ بیت کہ بھارت ہجالت اِنت۔ سینیٹ سیکرٹریٹ ءِ بیا نءِ ردءَ ڈپٹی چیئرمین سینیٹ سلیم مانڈوی والا، سینیٹءَ قائد ایوان سینیٹر شبلی فراز ، سینیٹ ءَ قائد حزب اختلاف سینیٹرراجہ محمد ظفر الحق ءَ ہم اے وئیل ءَ را سک باز ایر جتگءُ گشتگ کہ اے وڈیں کاروائی میاں اوستمانی کانودءِ حلاف ورزی ایں ءُ میاں اوستمان براتی ءَ را ایشی ءِ سرءَ گامگیج چست کنگءِ ضلورت اِنت۔
