کوئٹہ۔ 01 اکتوبر (اے پی پی) بلوچستان اسمبلی نا باسک آک پی ایس ڈی پی 2018-19 ء آ شدید گڑتی نا درشانی ءِ کرسا شونداری ڈٹ آتیا اول سرآن نظرثانی نا خواست ءِ کرینو اسمبلی نا باسک آتا پاننگ ءِ کہ مسکوہی حکومت اٹی السی گرج آتے قطع نظر اجتماعی نا جاگہ غا انفرادی ڈٹ پی ایس ڈی پی ٹی اوار کننگا ہرا بیرہ وسیلہ غاتا زیان ءِ وزیراعلیٰ بلوچستان جام کمال خان ایوان ءِ باوری ترفے کہ مالی وسیلہ غاتا زیان ءِ توننگ کن پبلک سیکٹر ڈویلپمنٹ پروگرام آ نظرثانی کننگک تانکہ دوئی وسیلہ غاک الس نا شرحال آ خڑچ مننگ کیر بلوچستان اسمبلی نا دیوان دوشنبے نادے ڈپٹی اسپیکر سردار بابر خان موسیٰ خیل نا کماشی ٹی مس دیوان اٹی بلوچستان اسمبلی نا باسک مبین خان خلجی ، فضل آغا ، ثناء بلوچ، اسد بلوچ، بشریٰ رند ، ملک نصیر ، شکیلہ نوید اختر حسین، مٹھاخان، دنیش کمار ، احمد نواز ، سردار عبدالرحمان کھیتران ، عمر خان جمالی و ایلوفک پاریر کہ مستین اٹی شونداری ڈٹ آتا جوڑ کننگ اٹ ڈغاری حق و پسماندگی نا جاگہ غا مالی مفاد آتے مون آ تخنگا و اجتماعی ڈٹ آتا جاگہ غا انفرادی ڈٹ آتیا وسیلہ غاتے زیان کننگا ہراڑآن الس نا زند انا آب آ ہچ ءُ مثبت اثراس تمیتو پی ایس ڈی پی آ شرہ ءِ چٹفسا وزیراعلیٰ بلوچستان جام کمال خان پارے کہ پی ایس ڈی پی ءِ السی گرج آتا رداٹ شاغنگ نا گرج ءِ ، گدرینگوک آ ہژدہ سال نا پی ایس ڈی پی نا وائیٹ پیپر جوڑ کرسا شونداری ڈٹ آتا جاچ ءِ ہلوئی مریک و داٹی کمتی و ودکی و ڈیوالائی تا ادراک ءِ کرسا پی ایس ڈی پی نا ساڑی آحالیت آتا جاچ ءِ ہلوئی مریک گدرینگوک آ ہژدہ سال اٹی انت اس جوان مس یا خراب اونا جاچ ءِ ہلسا مثبت کسر نا تعین ءِ کروئی مریک بلوچستان نا الس کن وائیٹ پیپر جوڑ کننگ اٹ سرسہب مسن تو دا بلوچستان نا الس آ احسان اس مریک پنچ سال پد ہراتم نن تینا کارکڑد نا جاچ ءِ ہلینہ تو مستین نا تقابلی جاچ کمکار جوڑ مریک ، بلوچستان نا ویل آک بھاز زیات ءُ کرپشن نا ادراک وخت انا گرج ءِ بلوچستان نا آن گوئننگ اسکیم آتا پی ایس ڈی پی کچ چار سد ارب روپئی آن گدرینگانے داٹی ودکی وسیلہ پوسکن آ ڈٹ آتا ٹہیفنگ کن المی ءِ مالی نسخان تون مون تننگ کن پی ایس ڈی پی ٹی اصلاحات المی ءِ دا ننا اسیجائی ویل ءِ و دانا ایسری کن ہم مشترکہ گام گیج المی ءِ یک ءُ نیم تُو اٹی مسہ کابینہ دیوان مسنے ہرا صوبائی حکومت آتا تاریخ اٹی اسہ پوسکن ءُ باب اسے بلوچستان نا خلقت ءِ اختیار و سہی پیلٹ فارم اس تننگے تو خاطر خواہ نتیجہ مون آ بننگ کیک اوپارے کہ مستین نا نسبت ساڑی آ وخت باختیار ءِ جام کمال خان پارے کہ سی اینڈ ڈبلیو آ ہشتاددرسد پورو مروک آ 71 اسکیم آتے چٹفنگا ہراڑآن وسیلہ غاک زیان مسر اوپارے کہ وسیلہ غاتا درست کاریم اٹ اتنگ ءِ المی جوڑ کننگ کن جوابدہی نا عمل ءِ درستی راستی کرفنگ اُن اوپارے کہ سی ایم آئی ٹی دہ دے اٹی چارسد آن زیات اسکیم آتا معائنہ ءِ کرے و دا عمل برجاءِ ۔ جام کمال خان اپوزیشن باسک آتون پارے کہ او تین پہ تینی سلابت اٹ زوت آن زوت اپوزیشن لیڈر نا گچینی ءِ عمل اٹ اتیر تانکہ ہاؤس نا کانودی گرج آ پورو مریر وزیراعلیٰ بلوچستان صوبہ ٹی بی ایس نا کلاس آتے جاری تخنگ نا پڑو ءِ کرسا داٹی گچینی کن پکا عزم انا درشانی ءِ کرے داکان پد اسمبلی نا دیوان ءِ پنچ شنبے اسکان پد بٹنگا۔
