اسلام آباد۔ 01اکتوبر (اے پی پی) اسپیکر قومی اسمبلی اسد قیصر پارینے کہ مستین اٹی چنکا صوبہ غاتون مروک آ بیدادی تا ازالہ ءِ کننگ و اوفتا احساس محرومی ءِ مر کینہ ، گڈ گورننس و اختیار آتا کاریم اٹ اتنگ انسانیت نا شرف اتون مرے تو نن شونداری نا مزل آتیا سرمننگ کینہ ، ننے خواجہ نا زند و اونا سیرت ءِ تینا مشعل راہ جوڑ کروئی مریک۔ اوداہیت ءِ صوبائی سروس اکیڈمی پشاور نا صوبائی مینجمنٹ سروسز نا 23باسکی ڈل اتون اوڑدہی ٹی پارے ہراک دوشنبے نادے اوڑتون پارلیمنٹ ہاؤس اٹی اوڑدہی کریر۔ داوخت آ اسپیکر قومی اسمبلی اسد قیصر پارے کہ مستین اٹی چنکا صوبہ غاتون مروک آ استحصال نا نن ازالہ ءِ کینہ۔ اوفتا احساس محرومی تا چٹفنگ ننا اولیت آتے ٹی اوار ءِ۔ اوپارے کہ سی پیک نا ڈٹ آتے ٹی غٹ صوبہ غاتے بریبری وارخواہی دوبریک،اہم معاملہ غاتیا صوبہ غاتا شکوہ غاتے مر کینہ و اوفتے تون سلابت ہم کینہ۔
