اسلام آباد۔ 01اکتوبر (اے پی پی) حکومت پاکستان نا ترجمان میڈیا نا گڑاس بشخ آتے ٹی ملیکہ علی بخاری ءِ بے نظیر انکم سپورٹ پروگرام نا چیئرپرسن تعینات کننگ نا خبر نا تردید ءِ کرسا اودے بے بنداو گوندانے۔ دوشنبے نادے داڑے جاری بیان اٹی حکومتی ترجمان پارے کہ ہندا خبر بے بنداو و حق آتا منافی ءِ، سہی پوزیشن دادے کہ ملیکہ علی بخاری ءِ وزارت کانود و انصاف نا بطور پارلیمانی سیکرٹری تعیناتی کننگانے و اونا سمندر پار پاکستانی و انسانی وسیلہ غاتا شونداری کن وزیراعظم نا خصوصی کمکار سید ذوالفقار عباس بخاری تون ہچ ءُ تعلق اس اف، ترجمان دااومیت نا درشانی ءِ کرے کہ میڈیا پک کننگ آن بیدس خبر ءِ شینک یا اودے نشر کننگ آن پاناد کیک۔
