اسلام آباد۔ 01اکتوبر (اے پی پی) وزیر مملکت داخلہ شہریار خان آفریدی پارینے کہ پاکستان و قطر انا نیام اٹ تاریخ و مذہبی بنداو تیا تعلقداریک ءُ ، قطر اتون تعلقداری ٹیکنالوجی ٹی تین پہ تینی کمکاری نا بنداو آ پین سوگو کننگ خوانہ۔ داخیال آتا درشانی ءِ او دوشنبے نادے داڑے پاکستان نا قطر انا سفیر صقر بن مبارک المنصوری تون اوڑدہی ٹی ہیت وگپ کرسا کرے۔ اوڑدہی ٹی تین پہ تینی است خواہی و ہڑتوم آ کنڈآتا تعلقداری تا بابت معاملہ غاتیا سجفنگا۔ وزیر مملکت پارے کہ پاکستان و قطر انا نیام اٹ تعلقداری تاریخی و مذہبی بنداو تیا قائم ءُ۔ اوپارے کہ پاکستان قطر اتون تعلقداری و قطر انا مہاجر آتا بحالی نا بابت کوشست آتے قدر انا نظر اٹ ہرک۔ اوپارے کہ نن قطر اتون تعلقداری تے ٹیکنالوجی ٹی تین پہ تینی کمکاری نا بنداو آ پین سوگو کننگ خوانہ۔ اوپارے کہ پاکستان دہشت گردی نا برخلاف جنگ اٹی بے پناہ جانی و مالی قربانی تسنے۔ قطر انا سفیر وزیر مملکت شہریار خان آفریدی ءِ اونا قطری ہم منصب نا کنڈآن قطر انا دورہ ءِ کننگ نا سلہ ہم خلک۔
