اسلام آباد۔ 01 اکتوبر (اے پی پی) چیئرمین سینیٹ محمد صادق سنجرانی آزاد کشمیر نا وزیراعظم راجہ فاروق حیدر نا ہیلی کیپٹر آ بھارتی فوج انا سم کاری ءِ لغوری نا کارروائی اس گوندسا پارینے کہ بھارت ڈیہہ نا امن ءِ بھس کننگ اٹ لگوک ءِ و داڈول نا کارروائی تیان بھارتی بوکھلاہٹ مون آ بسنے۔ سینیٹ سیکرٹریٹ نا کنڈآن بیان نا رداٹ ڈپٹی چیئرمین سینیٹ سلیم مانڈوی والا ، سینیٹ اٹی قائد ایوان سینیٹر شبلی فراز، سینیٹ اٹی قائد حزب اختلاف سینیٹر راجہ محمد ظفرالحق ئسک ہم داواقعہ نا مذمت ءِ کرینو و پارینو کہ داوڑنا کارروائیک جہانی کانود نا سنگین خلاف ورزی ءُ و جہانی برادری ءِ دا نا نوٹس ءِ ہلنگ ناگرج ءِ۔
