کراچی۔01اکتوبر (اے پی پی) گورنر سندھ عمران اسماعیل تون سری لنکا نا قونصل جنرل جی ایل جینا ناتھیوا گورنر ہاؤس اٹی اوڑدہی کرے۔ اوڑدہی ٹی چندی بشخ آتے ٹی پاک سری لنکا تعلقداری، اقتصادی کمکاری ٹی پین ودکی نا گرج ، صوبہ ٹی زرکاری نا سازگار چاگڑد نا ساڑی گری و تین پہ تینی است خواہی نا ایلو معاملہ غاتیا خیال آتا درشانی ءِ کننگا۔ دوشنبے نا دے جاری کروک پڑو نا رداٹ گورنر سندھ عمران اسماعیل پارے کہ پاک سری لنکا ہڑتوم آ کنڈآتا سفارتی، واپاری و دودوربیدگی تعلقداری کیہی عشرہ غاتیا ٹی ءُ ، پاکستان و سری لنکا نا ٹیمک دنیائے کرکٹ اٹی نمان ہنداس تخرہ ہنداسوب ءِ کرکٹ نا جنون ہڑتوم آ ملک آتا الس اٹی اسہ وڑ ءِ۔ اوپارے کہ پاک سری لنکا اقتصادی کمکاری ٹی پین ودکی وخت انا اہم ءُ گرج اسے۔ اوڑدہی ٹی سری لنکا نا قونصل جنرل پارے کہ پاک سری لنکا ہڑتوم آ کنڈآتا تعلقداری سوگو ءُ مستحکم ءُ۔
