اسلام آباد ۔30 ستمبر(اے پی پی)بنجاہی وزیر ھالرسانی ءُُ شنکاری چوہدری فواد حسین ءَ علی مانڈوی والا ءَ را پاکستان ایڈورٹائزنگ ایسوسی ایشن (پی اے اے) ءِ چیئرمین ءِ گچینکاری ءَ کٹگ ءِ سرا مرادباتی داتگ۔یک شمبے ءَ وتی کلوھ ءَ بنجاہی وزیر ءَ گوشت کہ علی مانڈوی والا ءِ چیئرمین ءِ بستار ءَ گچینی پی اے اے ءِ اگدھدارانی ءُُ باسکانی ایشانی راھشونی ءِ سرا اعتمادءِ درشان انت۔آہاں گوشت کہ حکومت ایڈورٹائزنگ تک ءِ ارزشت ءَ چہ سرپد انت ءُُ ایشی ءِ گہتری ءُُ دیمروئی ءِ واھشت مند انت۔بنجاہی وزیر ءَ گوشت کہ ایڈورٹائزنگ ءِ تک ءِ دیمروئی دراھیں صنعتی تکے دیمروئی ءِ بروبر انت۔چوہدری فواد حسین ءَ سدکی دات کہ گوستگیں وھد ءَ اشتہارانی تک ءِ تہ بوتگیں پرک ءِ نوں ھلاس کنگ بیت۔آہاں گوشت کہ پی اے اےءِ نوکیں گچین بوتگیں چیئرمین ءُُ ایسوسی ایشن ءِ باسکاں ءُُ اگدھ دارایشانی امیت ءِ سرا پیلو بنت ءُُ ایڈورٹائزنگ ءِ تک ءِ دیمروئی ءِ تہ گہتریں کرد ادا کن انت۔
