اسلام آباد ۔ 30 ستمبر (اے پی پی) مملکتی وزیر برائے پارلیمانی امورعلی محمد خانءَ گوشت کہ حکومت راجی ادارگہانی مھکمی ءِ سرا سدکی ءَ ایر کنگ انت۔ریڈیو پاکستان ءِ گوما گپ ءُُ تران کنان ءَ گوشت کہ ادارگہانی کارکردگی گیش گہتر کنگ ءِ ھاترا الم انت ءُُ اے وھد ءِ ضلورت ھم انت کہ ادارگہاں را وت واک جوڈ کنگ بیت۔آہاں گوشت کہ مزن وزیر عمران خان ءُُ پاکستان تحریک انصاف ءِ ھم اے نقطہ نظر انت کہ ادرگہاں چہ سیاسی دست مانجنی ھلاس کنگ بیت۔ریڈیو پاکستان ءِ ھوالہ دیان ءَ آہاں گوشت کہ ریڈیو پاکستان یک راجدپتری ادارگ انت ہمہ کہ سرجمیں دگنیا ءِ تہ پاکستان ءِ شریں پجار ءَ دیما آرگ ءَ پہ وتی کردءَ پیلو کنگ ات۔
