اسلام آباد ۔ 29 ستمبر (اے پی پی) ہائر ایجوکیشن کمیشن (ایچ ای سی) ہنگری ءِ حکومتءَ گوں وتی سیادی ءَ را ھاسیں ارزشت دیئگ ات،اے ھیالانی درشان چیئرمین ہائر ایجوکیشن کمیشن ڈاکٹر طارق بنوری ءَ پاکستان ءِ تہ داشتگیں ہنگری ءِ سفیر استوان سزابو ءِ گوما گند ءُُ نند ءِ ساعت ءَ کتگ ات۔اے درگت ءَ ہنگری ءِ سفیر ءَ گوشت کہ ایشانی حکومت ہائر ایجوکیشن کمیشن ءِ گوما وتی سیادی ءَ را گیش مھکم کنگ ءِ باروا چار ءُُ تپاس کنگ انت۔آہاں گوشت کہ مزنیں وانگی ءُُ سائینٹیفک ایکسچینج ءِ مراگش ءِ اولی بیچ ءِ یازدھ پاکستانی نودربران ہنگری ءِ تہ تعلیم سرجم بوھگ ءِ سرا ڈاکٹر بنوری ءَ را مرادباتی دیان ءَ گوشت کہ اے مراگش ءِ شریں آسر دیما آھگ بناء بوتگ ات۔ ہنگری ءِ حکومت ءِ پاکستان ءَ را تعلیمی میدان ءِ تہ کمک پھجارگ ءِ ھوالہ ءَ چہ ڈاکٹر بنوری ءَ گوشت کہ ایچ ای سی مراگش ءِ تہ ودکی ءِ واھشت مند انت۔
