انفارمیشن ٹیکنالوجی ءُُ ٹیلی کمیونیکیشن انڈسٹری ءِ پڑ ءَ لوٹ ءُُ روزگار ءِ پیداک کنگ ءِ سک باز ازم گند بیت، اے شوبگ ءِ دیمروئی ءِ واستہ توامیں المی ایں گامگیج کارمردم کنگ بہ بنت
صدر مملکت ڈاکٹر عارف علوی ءِ بُنجاھی وزیر انفارمیشن ٹیکنالوجی ءُُ ٹیلی کمیونیکیشن خالد مقبول صدیقی ءَ گوں گپ ءُُ تران
اسلام آباد ۔ 28 ستمبر (اے پی پی) صدر مملکت ڈاکٹر عارف علوی ءَ گوشت کہ انفارمیشن ٹیکنالوجی ءُُ ٹیلی کمیونیکیشن انڈسٹری ءَ برآمدات ءُُ روزگار پیداکنگ ءِ سک باز ازم گند بیت پمے ھاترا اے شوبگ ءِ دیمروئی ءِ واستہ توامیں ضلوری ایں گامگیج کارمرد آرگ بہ بنت۔ آئی ءَ اے گپ بُنجاھی وزیر انفارمیشن ٹیکنالوجی ءُُ ٹیلی کمیونیکیشن خالد مقبول صدیقی ءَ گوں تران کنان ءَ گوشت آئی ءَ آدینگ ءِ روچ ءَ ایوان ءِ صدر ءَ آئی ءَ گوں گند ءُُ نند کت۔ صددر ءَ اے گپ ءِ سر ءَ زور پر دات ککہ انفارمیشن ٹیکنالوجی ءُُ ٹیلی کمیونیکیشن ءِ شوبگ ملک ءِ دیمروئی ءِ واستہ کلیتی بستار ءَ دار اَنت، ایشی ءِ جوانیں کارمردی ءَ چہ جتا جتائیں وزارت ءُُ سرکاری محکمہ آنی ڈیجیٹلائزیشن ءِ وسیلگ ءَ اُلسی ازمت ءِ پُجاری ءِ کوکا ءَ را گہتر جوڑ کنگ ءَ کمک رس ایت۔ آئی ءَ گوشت کہ اے شوبگ ءَ پٹ ءُُ پول ءُُ دیمروئی ءَ را ترجی دیگن بہ بیت تانکہ دیم ءَ جنزگ ءِ نوکیں کشک پچ بہ بیت۔ صدر ءِ مملکت ءَ ملک ءَ انفارمیشن ٹیکنالوجی ءُُ ٹیلی کمیونیکیشن ءِ دیمروئی ءِ واستہ وزارت ءِ نیمگ ءَ جتگیں گامگیج آناں ساڑات۔
