ملک ءِ تجارتی بُنجاھ کراچی ءِ توان ءِ ضلورت ءَ را پیلو کنگ ءِ واستہ توامیں گامگیج چست کنگ لوٹ ایت، توان ءِ پیداوار ءَ ابید توان ءِ شنگ ءُُ تالان کنگ ءِ نظام ءِ تہ ءَ گہتری، لائن لاسز ءِ تہ ءَ کمی ءُُ توان ءِ دُزی کنوک آنی گر ءُُ دار کنگ ءِ سر ءَ دلگوشی دیگ بہ بیت
صدر مملکت ڈاکٹر عارف علوی ءِ K الیکٹرک ءِ ڈل ءَ گوں گند ءُُ نند ءَ تران
اسلام آباد ۔ 28 ستمبر (اے پی پی) صدر مملکت ڈاکٹر عارف علوی ءَ گوشت کہ ملک ءِ تجارتی بُنجاھ کراچی ءِ توان ءِ ضلورت ءَ را پیلو کنگ ءِ واستہ توامیں ضلوری گامگیج چست کنگ لوٹ اَنت۔ آئی ءَ اے گپ Kالیکٹرک ءِ ڈل ءَ گوں آدینگ ءِ روچ ءَ ایون ءِ صدر ءَ گپ ءُُ تران کنان ءَ کت اَنت۔ ڈل ءِ چیئرمین ءَ K الیکٹرک طیب ترین، سی ای او مونس علوی ءُُ چیف جنریشن اینڈ ٹرانسمیشن آفیسر ڈیلی سنکلر ساڑی اتنت۔ ڈل ءَ صدر ءِ مملکت ءَ را شہر ءِ اندر ءَ توان ءِ ضلورت ءُُ نظام ءِ گہتری ءِ بابت ءَ جتگیں گامگیج آں چہ سرپد کت۔ صدر ءَ اے جزم ءِ سر ءَ زور پر دات کہ توان ءِ پیداوار ءَ گیشی ءَ ابید توان ءِ شنگ ءُُ تالانی ءِ نظام ءَ گہتری، لائن لاسز ءَ کمی ءُُ توان ءِ دُزی ءِ گر ءُُ دار ءِ سر ءَ دلگوشی دیگ بہ بیت تانکہ کمرشل ءُُ گس آنی تہ ءَ توان ءِ پُجاری یک شل ءَ بہ بیت، ایش حکومت ءِ اولی کاراں چہ یک اِت۔
