اسلام آباد ۔ 28 ستمبر (اے پی پی) چیف الیکشن کمشنر جسٹس سردار محمد رضا ءِ سروکی ءَ ملک ءِ چاریں صوبگ آنی تہ ءَ ضمنی گچین کاری 2018ءِ بنگیجی ءُُ تیاری آنی رد ءَ آدینگ ءِ روچ ءَ الیکشن کمیشن ءَ یک ارزشتی ایں دیوان ءِ بوت۔ دیوان ءَ الیکشن کمیشن ءِ ممبر ءُُ سیکرٹری الیکشن کمیشن ، چاریں صوبگ آنی الیکشن کمشنر، چاریں صوبگ آنی سیکریٹریز لوکل گورنمنٹ، چیف کمشنر اسلام آباد، سیکرٹری فاٹا سیکرٹریٹ ، ڈائریکٹر ملیٹری لینڈاینڈکنیٹونمنٹ ءَ ابید آ الیکشن کمیشن ءِ ٹوھیں اپسرگ ءُُ کارندہ ھم بھر زوری کت۔ دیوان ءَ بازیں بُن گپ اانی سر ءَ ھیال ریچی کنگ بوتگ ایشانی تہ ءَ ارزشتی ایں بُن گپ الیکشن ایکٹ 2017ءِ توامیں صوبائی لوکل گورنمنٹ کانود ءِ رد ءَ پیداک کنت، صوبگ آنی تہءَ لوکل گونمنٹ ءِ ’’ضمنی‘‘ گچین کاری ءِ رد ءَ دیم پہ دیمیں مشکلہ ءُُ ایشانی گیواری ءُُ نوکیں ’’شماریاتی بلاک سکیم‘‘ 2017ءِ چیر دستی ءَ جوڑ بوتگیں گچینی لڑ آنی سر ءَ باست ءُُ واست کنگ بوت۔ دیوان ءَ ملک ءَ آیوکیں راجی ءُُ صوبائی اسمبلی آنی گچین کاری ءِ تیاری ءِ رد ءَ چاریں صوبگ آنی الیکشن کمیشنر ءَ گوں سرجمیں ھیال ریچی کنگ بوتگ ءُُ ایشی ءِ تیاری آنی سر ءَ دل دیکیمی کنگ بوت۔ دیونا ءَ اے پیسلہ ھم بوت کہ لوکل گورنمنٹ ءِ ھندی گچین کاری ءِ مشکلہ آناں زوتاں زوت گیوار کنان ءَ گچین کاری کنائینگ بیت۔
