اسلام آباد۔ 28 ستمبر (اے پی پی) وزیر مملکت داخلہ شہریار خان آفریدی پارینے کہ بلاک مروک قومی شناختی کارڈ انا ویل اتون مون تننگ کن جامع وڑوڈول اس جوڑ کننگانے، قومی سلامتی آ داسہ ہچ ءُ سمجھوتہ اس کننگپک ، بلاک شناختی کارڈ انا ویل اتون مون تننگ کن نادرا ٹی اسہ یونٹ اس ہم جوڑ کننگانے تانکہ شناختی کارڈ بلاک مننگ آن زہمی بندغ آتے آسراتی فراوان کننگے، پشتون تا 6824 شناختی کارڈ وخت اس کہ ایلو بولی تے ٹی ہیت کروک آتا 6546شناختی کارڈ بلاک ءُ ، بلاک شناختی کارڈ آتا معاملہ غا غٹ معاملہ غاتے ٹی پارلیمان نا باسک آتے پت اٹی ہلسا و غٹ اسٹیک ہولڈر آتون اوار کانہ۔ جمعہ نا دے آ قومی اسمبلی ٹی گل ظفرخان ، گل داد خان و ساجد خان نا مسکوہی فاٹا نا رہینگوک آتا بلاک کروک شناختی کارڈ آتا بابت چکاری نوٹس نا ورندی ءِ ترسا وزیر مملکت داخلہ شہریار خان آفریدی پارے کہ مسکوہی حکومت اٹی مراد سعید تون اوار نن غٹ دااہم ویل ءِ چست کرین۔
