نیویارک۔ 28 ستمبر (اے پی پی) وزیر خارجہ شاہ محمود قریشی پارینے کہ بھارت ڈیہہ ٹی سارک تنظیم نا کمک اٹ علاقائی کمکاری ءِ مون آ دننگ کن کروک آ کوشست آتے ٹی اڑاند ودی کننگ ءِ۔ نیویارک اٹی سارک انا غیر رسمی وزارتی دیوان آن پد صحافی تتون ہیت وگپ کرسا اوپارے کہ سارک انا ہدف و جوزہ غاتے ٹی بیرہ اسہ ملک اس اڑاند شاغنگ ءِ۔ دادیوان نیویارک اٹی اقوام متحدہ نا جنرل اسمبلی نا 73می نا وخت آ مس۔ اسہ سوج اسے آ کہ آیا اونا دیوان اٹی بھارتی وزیر خارجہ سشما سوراج تون اوڑدہی مس، وزیر خارجہ شاہ محمود قریشی پارے کہ دیوان اٹی اونا بھارتی وزیر خارجہ سشما سوراج تون اوڑدہی متنے۔ پاکستانی وزیر خارجہ پارے کہ بھارتی وزیر خارجہ سشما سوراج سارک وزیر خارجہ غاتا دیوان ءِ نیمہ غا ہلا ہنا۔ مننگ کیک اونا طب خراب مروئے۔ اوپارے کہ سشما سوراج دیوان اٹی علاقائی کمکاری نا ہیت کرے ولے وزیر خارجہ شاہ محمود قریشی پارے کہ کنا سوج دادے کہ علاقائی کمکاری ممکن امر مریک ہراتم ڈیہہ نا ملک ملنگ ءُ تولنگ کن تیار ءُ و نم دا مذاکرات اٹی اڑاند اورے ، داوڑ علاقائی کمکاری ٹی پیش رفت امہ مننگ کیک۔
