پاور ڈویژن نا بنجائی وزیر عمر ایوب خان نا قومی اسمبلی ٹی ضمنی مالیاتی بل آ شرہ ٹی خیال آتا درشان

اسلام آباد۔ 28 ستمبر (اے پی پی) پاور ڈویژن نا بنجائی وزیر عمر ایوب خان پارینے کہ مسکوہی حکومت نا بجٹ حساب وکتاب راستکی آ مبنی اف، ہنداسوب ءِ اونا خمیازہ ءِ الس ءِ ہرفوئی تمنگ ءِ، پاکستان تحریک انصاف و سیوتی جماعت آتا حکومت نا غٹ فیصلہ غاک حق آتیا مبنی مریرہ، بجلی نا انفراسٹرکچر ءِ گچین جوڑ کننگ ننا اولیت ءِ ، خواری کش آتا فائدہ غاتا ہروڑ رکھ ءِ کننگک و کرپشن ءِ ہچ ءُ حالیت اسے ٹی سگپنہ۔ جمعہ نادے قومی اسمبلی ٹی وزیر پاور ڈویژن عمر ایوب ضمنی مالیاتی بل آ خیال آتا درشانی ءِ کرسا پارے کہ پاکستان تحریک انصاف آن الس نا اومیت آک ننے داایوان اسکان سرکریر و عمران خان ءِ وزارت عظمیٰ نا منصب ءِ تولفیر۔ ننے بدلی نا پن آ سرسہبی ملانے۔ نن الس تون وعدہ کرینن کہ اوفتے صاف و شفاف حکومت اس ایتنہ۔