حافظ شیرالی پرنس کریم آغاخان نا چھٹی ءِ صدر مملکت ءِ پیش کرے
اسلام آباد۔27 ستمبر (اے پی پی) صدر مملکت ڈاکٹر عارف علوی پارینے کہ آغاخان ڈویلپمنٹ نیٹ ورک پاکستان نا چندی علاقہ غاتے ٹی تعلیم ، جان جوڑی و خلقی شونداری نا بشخ آتے ٹی ستاکڑزوک خذمت فراوان کننگ ءِ، پرنس کریم آغاخان نا جہانی امن، بین المذاہب ہیت وگپ، دودوربید گی تنوع و تکثریت کن بصیرت و انتھک کوشست آک مچ آ دنیا ٹی اقتصادی لحاظ اٹ پدسلوک آ کمیونٹی تا شونداری ٹی اہم کڑدادا کرینے۔ داخیال آتا درشانی ءِ او صدر، آغاخان کونسل فار پاکستان حافظ شیرالی تون ہیت وگپ کرسا کرے ہرا صدر ءِ پرنس کریم آغاخان نا چھٹی ءِ پیش کننگ کن پنچ شنبے نادے داڑے اوڑتون اوڑدہی کرے۔ پرنس کریم آغاخان صدر مملکت ءِ اونا گچین مننگ آ مبارکبادی تس۔ اوپاکستان نا الس نا زند انا آب ءِ گچین جوڑ کننگ کن آغاخان ڈویلپمنٹ نیٹ ورک و پاکستان نا نیام اٹ کمکاری و اشتراک کار ءِ ہم مون آ تخا۔ صدر ڈاکٹر عارف علوی پارے کہ آغاخان ڈویلپمنٹ نیٹ ورک پاکستان نا چندی علاقہ غاتے ٹی تعلیم، جان جوڑی و خلقی شونداری ٹی ستاء کڑزوک خذمت فراوان کننگ ءِ۔ اوآغاخان فاؤنڈیشن نا کنڈآن 2025 ء نا زمی جمب اٹی تروک آ خذمت آتا ستاءِ کرے۔ صدر آغا خان نا پیرہ سر سلطان شاہ آغاخان بابائے قوم قائد اعظم محمد علی جناح ؒ نا خڑک انا سنگت اس ئس و او تحریک پاکستان اٹی اہم کڑد ادا کرے ۔ حافظ شیرالی صدر مملکت ءِ پاکستان اٹی آغا خان ڈویلپمنٹ نیٹ ورک انا سرجز آتا بارواٹ معلومدار کرے۔
