اسلام آباد۔ 27 ستمبر (اے پی پی) وزیراعظم نا خصوصی کمکار سیاسی امور نعیم الحق پارینے کہ حکومت پنچ سال اٹی گچین اقتصادی اصلاحات اتیک ، ہراخلقت قومی خزانہ ءِ پلاسر ہموفک ننا بجٹ آ سوج ہرفنگ ءُ ، مچ آ ملک اٹی جان جوڑی کارڈ انا بناءِ کننگ اُن ، تعلیم و جان جوڑی نا آسراتی تے مفت مہیا کننگ نا کوشست کینہ۔ پنچ شنبے نادے پارلیمنٹ ہاؤس نا پیشن میڈیا تون ہیت وگپ کرسا وزیراعظم نا خصوصی کمکار پارے کہ بجٹ آ شرہ مننگ ءِ، حکومت ءِ بروک اسہ تُو اس مسنے۔ مسکوہی حکومت شاہانہ ٹھاٹھ باٹھ اٹ خزانہ ءِ پلا۔ نن دا محدود اقتصادی وسیلہ غاتے ٹی کاریم ءِ پورو کننگ اُن۔ نعیم الحق پارے کہ نن پنچ سال اٹی گچین اقتصادی اصلاحات اتینہ ۔ ادارہ غاتے ٹی سیاسی بھرتی کننگا، نواز حکومت ہردے ہفت ارب خڑچ کرے و وام ہلک، ملک کڑز آتے ٹی اختہ مسنے ۔ بے روزگاری آن ہردے 15کروڑ نا نسخان مننگ ءِ ۔ خصوصی کمکار پارے کہ حکومت کن اولیکو سال مشکل ءِ ولے ننا گام گیج آتیان گچین گام گیج بریک۔ نعیم الحق پارے کہ معیشت نا گچینی کن جتا ءُ آپشن ارے۔ آئی ایم ایف والاک ہم ننا کنڈآ بسنو آئی ایم ایف مدام پاکستان ءِ سپورٹ کرے۔ نعیم الحق پارے کہ گلگت بلتستان آن ہلیس ملک انا ایلو صوبہ غاتسکان روزگار و شونداری ڈٹ اتینہ۔
