اسلام آباد۔ 27 ستمبر (اے پی پی) بنجائی وزیر ریلوے شیخ رشید احمد تون انجینئر نگ کور انا انجینئر انچیف لیفٹیننٹ جنرل محمد افضل وزارت ریلوے ٹی اوڑدہی کرے و مچ آ ملک اٹی بھلا ریلوے اسٹیشن آتون 6 انڈسٹریل زون جوڑ کننگ نا سلاہ تس۔ داکان بیدس ایم ایل ۔ون ءِ براڈ گیج آ ہی اپ گریڈ کننگ آہم سلابت کننگا۔ اسہ پوسکن ءُ اسٹینڈر گیج لین اس شاغنگ آ ہم ہیت وگپ کننگا وپاننگاکہ براڈ گیج ءِ چٹفنگ پننگک۔ وزیر ریلوے مستی پارے کہ ننا نیت پاکستان نا جوانی ءِ۔ ریلوے نا جوانی کن انقلابی فیصلہ کینہ و ریلوے عملہ نا حق و ریلوے نا میرات آتا ہم رکھ ءِ کینہ۔ کراچی، سکھر سیکشن نا حالیت آتے گچین جوڑ کننگ نا سخت گرج ءِ۔ سی پیک نا سرسہبی گوادر ءِ ریل اتون گنڈنگ اٹی ڈکھوک ءِ۔ اوڑدہی ٹی نالہ لئی ایکسپریس وے آ ہم سلابت کریر ہراکہ راولپنڈی نا زند اٹی انقلاب اس اتیک ۔ داسہ پوسکن آ نالہ لئی ایکسپریس وے چار کلو میٹر ودفسا سواں آں ہلیس اسلام آباد اسکان ہڑتوم آ کنڈآتا سگنل فری کوریڈور اس مریک۔
AN/SMH
