اقوام متحدہ۔ 27 ستمبر (اے پی پی) پاکستان و سعودی عرب نا وزیر خارجہ غاک ہڑتوم آ ملک آتا نیام اٹ ودوک آ تعلقداری تیا است جمی نا درشانی ءِ کرینو۔ نیویارک اٹی اقوام متحدہ نا جنرل اسمبلی نا 73می دیوان نا وخت آ وزیر خارجہ شاہ محمود قریشی و سعودی عرب نا وزیر خارجہ عادل بن الجبیر نا نیام اٹ اوڑدہی مس۔ ہڑتوم آ وزیر خارجہ غاک گدرینگوک آ ہفتہ وزیراعظم عمران خان نا بے کچ سرسہب دورہ سعودی عرب نا وخت آ ہڑتوم آ ملک آتا سرکڑدہ غاتا علاقائی و جہانی ویل آتیا ہم آہنگی نا ذکر ءِ کرسا امنا کرے کہ تین پہ تینی کمکاری نا خاطر خواہ نتیجہ دوئی کننگ کن رابطہ غاتا عمل ءِ برجاتخنگک۔ وزیر خارجہ شاہ محمود قریشی وزیراعظم عمران خان نا سعودی عرب نا دورہ ٹی خادم الحرمین الشریفین شاہ سلمان و ولی عہد محمد بن سلمان نا کنڈآن شاندار مہمان نوازی آ نیک جوزہ غاتا درشانی ءِ کرے۔ ہڑتوم آ وزیر خارجہ غاک ہڑتوم آ کنڈآتا واپار، کاروبار و زرکاری ءِ مون آ دننگ کن تین پہ تینی رابطہ غاتے پین ودفنگ آ ہم امنا کریر۔

متعلقہ مضامینمصنف کی طرف سے مزید