نیویارک۔ 26ستمبر (اے پی پی) وزیر خارجہ شاہ محمود قریشی ملک اٹی کانود نا حکمرانی ءِ قائم کننگ و وڈی خوری و خیسن آ فیتہ ءِ ماس آن کشنگ و خسنگ نا حکومتی عزم ءِ تالان کرسا پارینے کہ 25جولائی آ لس گچین کاری تیٹی پاکستان نا اُلس صاف وڑاٹ بدلی نا حق اٹی تینا فیصلہ ءِ تسنو۔ اوداہیت ءِ داڑے امریکی تھنک ٹینک انٹلانٹک کونسل نا کنڈآن کاروباری راہشون، جاچکار و ذرائع ابلاغ نا نمائندہ غاتا مچی آن تران کرسا پارے ۔ وزیر خارجہ کاروبار دوست پاکستان کن پوسکن آ حکومت نا ویژن ءِ پیش کرسا پارے کہ لکھ آ پاکستانی ورناتے کن روزگار نا وارخواہی ودی کننگ حکومت نا اولیت ءِ۔ شاہ محمود قریشی ساڑی مروک آتے پاکستان اٹی زرکاری نا چاگڑد و وارخواہی تیان معلومدار کرساپارے کہ پاکستان متوسط تپہ نا بھاز بھلو مارکیٹ اسے و داڑے وافر ورناتے ٹی افرادی واک ساڑ ی ارے۔ چین، نیامی و سویلی ایشیا نا سنگم آ واقع مننگ نا بنداوآ شاندار وارخواہی اریتے۔
