اسلام آباد۔ 26ستمبر (اے پی پی) بنجائی وزیر ڈٹ بندی ، شونداری و اصلاحات مخدوم خسرو بختیار پارینے کہ پاکستان چین انا کمک اٹ گوادر پورٹ ءِ دنیا نا پوسکن انگا بندرگاہ اس جوڑ کرسا سمندری کسر اٹ جہانی واپار ءِ مون آ دننگ کن پبی گام گیج کننگ ءِ انتئے کہ بحیرہ عرب و نہرسویزجہانی واپار نا اہم انگا بحری واپاری روٹ آک ءُ۔ داخیال آتا درشانی ءِ او قاہرہ ٹی اِرادے ئی جہانی کانفرنس نا وخت آ کرے۔ بنجائی وزیر پارے کہ بحیرہ عرب سمندری کسرتیان جہانی واپار نا بنجاءِ و 70 درسد جہانی واپار داکسراٹ مننگ ءِ ہرادے پین مون آ دننگ کن پاکستان و السی جمہوریہ چین سی پیک ڈٹ انا بناءِ کرسا سمندری کسر تے اٹ جہانی واپار ءِ پوسکن ءُ جہت اس تسنے ہرانا سوب گوادر بندرگاہ آن بحیرہ عرب و نہر سویز نا کسر جہانی بحری واپار ءِ پین مون آ دننگ و سوگوی دوئی مریک۔
